858588

«ТІРІ ЖАНҒА ҰҚСАМАЙТЫН ОЙЫНШЫҚ САТЫП АЛАМЫЗ»

Деструктивті діни ағымдағылардың көбісі жанұялы, отбасында бірнеше баладан бар. Олармен кездескенде біз әрдайым олардың балаларының көп жапа шегіп жүргенін байқаймыз. Балалардың өз құрбы-құрдастарымен жақын араласуына тыйым салынған. Мектептен тыс уақытта кішкене бүлдіршіндер қоғамнан мүлдем шет қалады десек те болады.

Әсіредіншілдердің балаларға ойыншық сатып алып берерде де өз ұстанымдары бар болып шықты. Айтуынша, ойыншық сатып алғанда «ән айтпайтын, билемейтін», «көзі жоқ», яғни тірі жанға ұқсамайтындарын ғана сатып алуға рұқсат.

Бұлай тәрбиеленген баланың болашақта қоғамға етене араласып, өз орнын табуы әсте қиын. Сондықтан мектеп психологтары мұндай оқушылармен жіті жұмыс жасағаны дұрыс. Мектеп қабырғасында олармен жеке сөйлесіп, барынша жақын тартуы тиіс. Ұстаздар оқушыны сырлас дос ете біліп, қоғамға етене араластыра білгені абзал.

Дереккөз: kazislam.kz

Комментарии закрыты.